ஞாயிறு, 2 மார்ச், 2025

எண்ணம் போல் வாழ்க்கை

 ஒருநாள் காலையில் நாட்டின் ரா‌ஜா ஊரை முழுவதுமாக சுற்றிப் பார்க்க தனது குதிரையில் சவாரி செய்தார். பொழுது சாய்ந்தது.




இரவு நேரம் என்பதால் குதிரையை விட்டு இறங்கி அருகிலுள்ள ஆப்பிள் மரத்தடியில் உறங்க ஆரம்பித்தார்.ராஜாவிற்கு பசி அதிகரிக்க, நல்உணவு வேண்டும் என்று கடவுளை வேண்டினார். 


உடனே அந்த மரத்திலிருந்த பழம் ஒன்று கிளையிலிருந்து உதிர்ந்தது. அப்போது தான் ராஜாவிற்கு நாம் இருப்பது ஆப்பிள் மரத்தடியில் என்று நினைவுக்கு வந்தது கடவுள் 


தன் பசியைப் போக்க ஆப்பிளை கொடுத்துள்ளார் என்று நினைத்தவாறு நன்றி கடவுளே என்று தன் நன்றியை கடவுளிடம் தெரிவித்தார்.கீழே விழுந்த ஆப்பிள் பழத்தையும் கையில் எடுத்து மண்ணை வாயில் ஊதி சுத்தம் செய்துவிட்டு சாப்பிட்டார். 




அப்போதும் ராஜாவிற்கு பசி அதிகரிக்க மேலும் சில ஆப்பிள்களை ராஜா 


மரத்தின்மீது ஏறிப் பறித்து உண்டு தனது பசியைப் போக்கினார்.பூதம் ஏதேனும் இங்கு இரவில் வருமோ என்று பயந்தார். உடனே அவருக்கு காய்ச்சல் வந்தது. இரவு முழுவதும் தூங்காமல் 


பயத்துடன் மறுநாள் காலையில் அரண்மனையை நோக்கித் தன் பயணத்தை மேற்கொண்டார்.




"எண்ணம் போல் வாழ்க்கை"என்பதுபோல் ராஜா உணவு வேண்டும் என்று நல்லதாக நேர்மறையாக நினைத்ததால் இந்த பிரபஞ்சம் பழத்தை தந்து உதவியது. பின்பு அவர் பூதத்தைப் பற்றி எதிர்மறை எண்ணம் கொண்டதால் காய்ச்சல் வந்தது. 




நீதி:எண்ணம் போல் வாழ்க்கை நல்லதை நினைத்தால் நல்லதே நடக்கும்.

ஞாயிறு, 15 டிசம்பர், 2024

சூழ்ச்சியை சூழ்ச்சியால் வென்றவர் கலைஞர்....🔥🔥🔥

 சூழ்ச்சியை சூழ்ச்சியால் வென்றவர் கலைஞர்....🔥🔥🔥


கலைஞருக்கு தெரியும்.. 

விவேகானந்தரை குமரிமுனையில் இருந்து அப்புறப்படுத்த முடியாது என்று. 


அதனால் தான்...!

வள்ளுவனை வானுயர நிறுவினார்.


கலைஞருக்கு தெரியும்... 

வால்மீகி ராமாயண உபநிடங்களை நிறுத்த சொல்ல முடியாது என்று.. 


அதனால் தான்...!

திருக்குறளை முன்னிலை படுத்தினார்.


கலைஞருக்கு தெரியும்.. 

சீதையின் செயலை விமர்சிக்க முடியாது என்று... 


அதனால் தான்...!

கண்ணகியின் வீரத்தை முன்னிலை படுத்தினார்.


கலைஞருக்கு தெரியும்... 

மகாபாரதத்தை தடுக்க முடியாது என்று.. 


அதனால் தான்...!

சிலப்பதிகாரத்தை வெகுஜனப்படுத்தினார்...


இது போல, சரியற்ற, தேவையற்ற ஒன்றை அப்புறப்படுத்த, அதை விட சரியான ஒன்றை கொண்டு வந்தார்.


ஏறத்தாழ, 70 ஆண்டுகள், ஆரியத்திற்கு இது போன்று ஊமைக்குத்துக்களை தொடர்ந்து கொடுத்துக் கொண்டே இருந்தார்.


அவர்களால், வெளியே சொல்லவும் முடியவில்லை...

உள்ளே மெல்லவும் முடிய வில்லை.


அவர்களுக்கு தெரியும்....! 

கலைஞரை ஏன் எதிர்க்க வேண்டும் என்று...


கலைஞருக்கும் தெரியும்.. 

அவர்கள் ஏன் தன்னை எதிர்க்கிறார்கள் என்று...


புரிந்தவர்கள் கலைஞர் பின் நின்றார்கள்...


#கலைஞர்101🖤❤️

திங்கள், 11 நவம்பர், 2024

ரு அமைப்பை கட்டி காப்பது எப்படி

 திமுகவை கலைஞர் எப்படி அமைப்பு ரீதியாக கட்டிக் காப்பாற்றினார், எப்படி ஒவ்வொரு நிர்வாகிக்கும் ஒரு வரையறை வகுக்கப்பட்டது, அந்த வரையறையின் படி எப்படி கட்சி கூட்டங்கள் நடத்தப்பட்டது, எப்படி ஒரு நோட்டீஸ் கூட புரோட்டோகால்படி அடிக்கப்பட்டது. என்பதற்கு ஏராள உதாரணங்கள் உண்டு. அமைச்சர் ஆகவே இருந்தாலும், அந்த மாவட்ட செயலாளர் இடம் தெரிவிக்காமல் வேறு மாவட்டத்திற்குள் செல்ல முடியாது. பொதுச்செயலாளராக இருந்தாலும் மாவட்ட, ஒன்றிய செயலாளர்களிடம் தகவல் தெரிவித்தே ஆக வேண்டும். 


கலைஞர் 96-01 ஆட்சியில் நடந்த ஒரு சம்பவம். புதுக்கோட்டையில் ஒரு அரசு விழாவிற்கு வருகிறார் கலைஞர். அப்போது புதுக்கோட்டை மாவட்ட செயலாளர் பெரியண்ணன் அரசு அவர்கள். 


விழா நடைபெறும் இடத்தில் இருக்கும் கிளைச் செயலாளருக்கும் அந்த பகுதி ஒன்றிய செயலாளருக்கும் பனிப்போர். ஒன்றிய செயலாளர், இந்த நிகழ்ச்சி குறித்து கூட்டிய கூட்டங்களிலும் கிளைச் செயலாளர் அழைக்கவில்லை, மேலும் இந்த விழா சம்பந்தமாக அடிக்கப்பட்ட வரவேற்பு போஸ்டர்கள், நோட்டீஸ்களில் கிளைச் செயலாளர் பெயரை வேண்டும் என்றே தவிர்த்து விட்டார் ஒன்றிய செயலாளர். 


வேலை அழுத்தத்தில், அப்போதுதான் புதிதாக பதவிக்கு வந்திருந்த பெரியண்ணன் அரசு அவர்கள் இந்த விஷயத்தை கவனிக்கவில்லை. விழா நாளும் வந்தது. மாலை 6 மணிக்கு விழா.


 மதியம் போல் வந்த கலைஞரிடம், கிளைச் செயலாளர், எனக்கு, நீங்கள் வருவதை யாரும் சொல்லவில்லை. நோட்டீசிலும் பேர் போடவில்லை. எனவே என்னுடைய கிளையில் நடக்கும் நிகழ்ச்சிக்கு நீங்கள் வரக்கூடாது என்று ஒரு கடிதத்தில் எழுதி கொடுத்துவிட்டு போய்விட்டார்.


கலைஞர் அதைப் படித்தவுடன், மாவட்ட செயலாளரை அழைத்து, அவருடைய கிளை. அவர் அழைக்காமல் தான் அங்கே வர முடியாது. எப்படியாவது அவரை கூட்டி வந்து என்னை அழைக்கச் செய்ய வேண்டும் என்று சொல்லிவிட்டார். 


விழாவிற்கான நேரம் நெருங்குகிறது. எல்லோரும் நாலா பக்கமும் தேடுகிறார்கள். கிளைச் செயலாளர் அவருக்கு தெரிந்த ஒரு கடையில் போய் பதுங்கிக் கொண்டார். அந்த கடைக்காரரும் கழகத்தவர் தான். அவருக்கு ஏதோ சரி இல்லை என தட்டுப்பட, என்ன விஷயம் என கேட்டு, அவரை கையோடு மாவட்ட செயலாளர் அலுவலகத்திற்கு அழைத்து வந்து விட்டார். 


மாவட்டச் செயலாளர் அவரிடம் நடந்த தவறுக்கு மன்னிப்பு கேட்டு, அவரை அழைத்துக் கொண்டு வந்து கலைஞரை பார்த்தார். 


என்னையா இப்ப வரலாமா என கலைஞர் கேட்க? வாங்க தலைவரே என சொல்லவும் தான், கலைஞர் அந்த நிகழ்ச்சி நடைபெறும் இடத்திற்கு கிளம்பினார்.


அந்த அளவிற்கு கட்சி பதவிகள் பைலா படி கொடுப்பது, கட்சி தேர்தல்கள் நடத்துவது, எந்த நிகழ்ச்சி நடந்தாலும் அதை ஆவணப் படுத்துவது, அந்த விதிகளை மீறாமல் நடந்து கொள்வது என கலைஞர் போட்டு வைத்த பாதை சிறப்பானது.

ஞாயிறு, 10 நவம்பர், 2024

பிராடக்ட் குவாலிட்டி

 பேங்க் மேனேஜர் அதிர்ச்சியில் உறைந்தார்.


“என்ன சார் இது! ஒரு கோடி ரூபாய் லோனை ஒரே மாசத்துல ஒரே இன்ஸ்டால்மெண்ட்ல முழுசா ரீ பே பண்றீங்க?”


“செய்யற தொழில்ல பிராடக்ட் குவாலிட்டி நல்லா இருந்தா இதொண்ணும் கஷ்டமே இல்லை”


“பிரிண்டிங் பிரஸ்ஸுக்காக லோன் வாங்கினீங்க. என்னதான் குவாலிட்டின்னாலும் பிரிண்டிங்ல ஒரே மாசத்துல ஒரு கோடி ரூபாய் லோனைக் கட்ட முடியுமா?”


“முடியும் சார், பிராடக்ட் குவாலிட்டி நல்லா இருந்தா முடியும்”


”அப்படி என்ன பொல்லாத பிராடக்ட் குவாலிட்டி?”


“அடுத்த மாசம் சொல்றேன்”


ஒரு மாசம் போயிற்று.


மண்டை வெடித்து விடும் போலக் காத்திருந்தமேனேஜர் லோன் வாங்கியவரை சந்தித்து “இப்பவாவது சொல்லுங்களேன்” என்றார்.


“நான் கொடுத்த பணம் பூரா சர்க்குலேஷன்ல போயிடுச்சா?”


“ம்ம் ஆச்சு”


“எதும் கம்ப்ளெய்ண்ட் இல்லையே?”


“இல்லையே? ஏன்?”


“அதான் என் பிராடக்ட் குவாலிட்டி”


“புரியல்லை. இதுல எங்கேர்ந்து பிராடக்ட் குவாலிட்டி வந்தது?”


“நான் கொடுத்தது பூரா என் பிரஸ்ஸுல அடிச்ச நோட்டு. எவ்வளவு சுப்பீரியர் குவாலிட்டியா இருந்தா இதுவரைக்கும் கம்ப்ளெய்ண்ட்டே வராம இருக்கும்?”

😜😜😜

வெள்ளி, 18 அக்டோபர், 2024

,, பெண்

 இரண்டு மன்னர்களுக்குள் சண்டை....


தோற்றவனிடம் வென்றவன் சொன்னான்.


”நான் கேட்கும் ஒரு கேள்விக்கு, சரியான பதிலைச் சொன்னால், உன் நாடு உனக்கே”


கேள்வி:


ஒரு பெண், தன் ஆழ்மனதில் என்ன நினைக்கிறாள்?


(வென்ற மன்னனின் காதலி, அவனிடம் இக்கேள்வியைக்

கேட்டு விட்டு, விடை சாென்னால்தான், நமக்கு திருமணம் என்று சாெல்லியிருந்தாள்).


தோற்ற மன்னன், பலரிடம் கேட்டான். விடை கிடைக்கவில்லை.


கடைசியாக சிலர் சொன்னதால், ஒரு சூனியக்காரக் கிழவியிடம் சென்று கேட்டான்.


அவள் சொன்னாள்:


விடை சொல்கிறேன்.


அதனால்,

அந்த மன்னனுக்குத், திருமணம் ஆகும்;


உனக்கு உன் நாடு கிடைக்கும்.


ஆனால் எனக்கு

என்ன கிடைக்கும் ?


அவன் சொன்னான்,


"என்ன கேட்டாலும் தருகிறேன்”


சூனியக்காரக்

கிழவி, விடையைச் சொன்னாள்,

  

 ♡♡♡ "தன் சம்பந்தப்பட்ட முடிவுகளை, தானே எடுக்க வேண்டும் என்பதே,

ஒரு பெண்ணின் ஆழ்மனது எண்ணம்”


இப்பதிலை அவன் ஜெயித்த மன்னனிடம் சொல்ல, அவன் தன் காதலியிடம் சொல்ல,


அவர்கள் திருமணம் நடந்தது.

இவனுக்கு நாடும் கிடைத்தது.


அவன் சூனியக்கார கிழவியிடம் வந்தான்.

வேண்டியதைக் கேள் என்றான்.


அவள் கேட்டாள்


"நீ என்னைத் திருமணம் செய்து கொள்ள வேண்டும்”


கொடுத்த வாக்கைக் காப்பாற்ற அவன் ஒப்புக் கொண்டான்.


உடனே கிழவி ஒரு அழகிய தேவதையாக மாறிக் காட்சி அளித்தாள்.


அவள் சொன்னாள்,


"நாம் வீட்டில் தனியாக இருக்கும் போது நான் கிழவியாக இருந்தால், உன்னுடன் வெளியே வரும்போது தேவதையாக இருப்பேன்;


ஆனால் நான் வெளியே உன்னுடன் வரும் பாேது, கிழவியாக இருந்தால், வீட்டில் உன்னுடன் அழகிய தேவதையாக இருப்பேன்.


இதில் எது உன் விருப்பம்?” என்றாள்.


அவன் சற்றும் யோசிக்காமல் சொன்னான்


"இது உன் சம்பந்தப்பட்ட விஷயம் ;     

முடிவு நீ தான் எடுக்க வேண்டும்” என்று,

அவள் சொன்னாள்,


"முடிவை என்னிடம் விட்டு விட்டதால்,

நான் எப்போதும் அழகிய தேவதையாக இருக்கத் தீர்மானித்து விட்டேன்.!” என்றாள்.


ஆம்!


பெண்,

அவள் சம்பந்தப்பட்ட முடிவுகளை அவளே எடுக்கும்போது, தேவதையாக இருக்கிறாள்.

முடிவுகள், அவள் மீது திணிக்கப்படும் போது, சூனியக்காரக் கிழவியாகி விடுகிறாள்.


படித்ததில் பிடித்தது 🌹❤️


அனைவரும் புரிந்து செயல்படுங்கள் !. நன்றி ❤️...

வெள்ளி, 27 செப்டம்பர், 2024

யானையும் பாகனும்

 யானை பாகனுக்கு யானையால் தான் சாவுன்னு சொல்லுவாங்க,


அது ஏன்னு தெரியுமா வாங்க தெரிஞ்சுக்கலாம்👇


ஒரு யானைய பழக்கும் போது அந்த யானைய சுத்தி நாலு அல்லது அஞ்சு கும்கிய நிறுத்துவாங்க. ஒரு ஏழெட்டு பாகன்கள் அந்த யானைக்கு முன்னாடி நின்னு ஆளுக்கு ஒரு குச்சிய கீழ போடுவாங்க.


பக்கத்துல ஒரு கும்கி நிற்கும் அது எப்பிடி குச்சிய எடுத்து பாகன் கைல குடுக்கனும்னு திரும்ப திரும்ப செஞ்சு காட்டும்.


அவ்வளவு சுலபத்தில் புது யானை குச்சிய எடுத்துடாது.


ஆனா அது எடுக்கற வரைக்கும் கும்கிகள் விடாது.


புது யானைய தந்தங்களால் முட்டி நொறுக்கும், பாகன்கள் ஒன்றரை இஞ்ச் தடிமனில், ஆறடி நீளத்தில், ஒரு வாரம் விளக்கெண்ணையில் ஊறப் போட்டு தீயில் வாட்டிய, யானைகளுக்காகவே ஸ்பெஷலா தயார் செஞ்ச காட்டு மூங்கில் பிரம்புகள வெச்சிருப்பாங்க. வளைச்சா வட்ட வடிவத்துல ரப்பர் மாதிரி முனைக்கு முனை முட்டும்.


மனுஷன் அதுல ஒரே ஒரு அடி வாங்குனா செத்துருவான்.


அதால அடிச்சு வெளுப்பாங்க,


பிளிரும்...! ரெண்டு கால்ல எழுந்து நிற்கும்.

ஆனா குச்சிய எடுக்காது.


எடுக்குற வரைக்கும் கும்கிகளும், பாகன்களும் விடமாட்டாங்க.


கடைசியா அடி தாங்காம குச்சிய எடுத்து எந்த பாகன் கைல குடுக்குதோ, அவனைதான் அந்த யானைக்கு பிடிச்சிருக்குன்னு அர்த்தம். இனி அவனுக்கு மட்டுமே கட்டுப்படும்.


அவன்தான் வாழ்நாள் முழுவதும் அந்த யானைக்கு தலைமை பாகன்.

இப்ப யானைக்கு பிடிச்சவன தேர்ந்தெடுத்தாச்சு.


இனி யானைக்கான பயிற்சி ஆரம்பமாகும்.


அதை பழக்கறதுகுள்ள, தும்பிக்கைய தூக்க முடியாத அளவுக்கு கரோல்ல அடைச்சு...


மூணு நாளைக்கு உணவு குடுக்க மாட்டாங்க.


நாலாவது நாள் தன் பாகனை பார்த்து கெஞ்சும். கொஞ்சம் கரும்பும் வெல்லமும் குடுத்து ருசிகாட்டி, பசிய தூண்டி சொல் பேச்சு கேட்டா.. கரும்பு வெல்லம் கிடைக்கும்னு அதுக்கு உணர வெச்சு, வழிக்கு கொண்டு வருவான். 


அதுக்குள்ள எத்தனை அடிகள் சித்ரவதைகள் அப்பப்பா.


அந்த பாகனை கண்டாலே, யானைக்கு மனசுல ஒருவித கிலி ஏற்படுற மாதிரி பண்ணிருவான். என்ன பயமும் பாசமும் ஏற்பட்டாலும், அவ்வளவு சீக்கிரம் தன் மேல் யாரையும் ஏற விட்டுடாது.


கட்ட கடைசியா என்னைக்கு அந்த யானை, பாகனை முழுசும் எந்த எதிர்ப்பும் இல்லாம, தன் முன்னங் கால்கள மடக்கி குடுத்து, அதன் வழியா மேல ஏறி உட்கார அனுமதிக்குதோ அன்னைக்கு பூஜை போட்டு கும்கிகளின் துணையோட கரோல திறப்பாங்க.


பாகன் யானை மேல உட்கார்ந்து தான் கரோலை விட்டு வெளிய வரணும் .


அப்பதான் அது முழுசும் பழக்கப் பட்டதுக்கான அடையாளம்.


இதெல்லாம் நடக்க 48 நாட்கள் ஆகும்.


கோவையில் 13 பேரை கொன்று, கேரள அரசால் சூட்டிங் ஆர்டர் கொடுக்கப்பட்ட மிகப் பெரிய ரௌடி 'மக்னா' யானை, இன்னைக்கு முதுமலை கேம்ப்ல மூர்த்திங்குற பேர்ல அவ்ளோ சாதுவா இருக்கு. அந்தளவுக்கு ட்ரெய்னிங்.


மஸ்துன்னா மதம்..


நவம்பர் டூ ஜனவரி யானைகளின் இணைச் சேர்க்கை காலத்தில், நெத்தியில் இருந்து மஸ்து நீர் வடியும்.


பாகன் மேல் பாசம் உள்ள யானைகள், மஸ்து ஆரம்ப நிலையிலேயே பாகனை எச்சரிக்கை செய்யும். சாதாரணமா ஒற்றை கால் சங்கிலிதான் போடுவாங்க. ஆனா மஸ்து அறிகுறி ஆரம்பமாகும் போதே ரெட்டை காலுக்கு சங்கிலி போட்ருவாங்க. சாதாரணமா அங்குசத்த பார்த்தா கட்டுப்படும் யானை, மஸ்து நேரத்துல கட்டுப்படாது.


அதன் பிறகு யாரும் கிட்ட நெருங்க முடியாது. மூணு மாசமும் அதற்கு ஒரே இடம்தான்.


அந்த மஸ்து நீரோட வாசம், நீண்ட தூரம் வீசும்.

வாசம் வந்தா எந்த காட்டு யானையும் அந்த ஏரியாலயே நிக்காது.


மஸ்து நிலையில் இருக்கும் யானை வினோதமா நடந்துக்கும். தும்பிக்கையை தூக்கி தந்தத்து மேல போட்டுக்கும்.


பயங்கர ரெஸ்ட் லெஸ்ஸா இருக்கும்.


உர்ர்ர்ர் ன்னு உருமிகிட்டே இருக்கும்.


எப்பவும் யானை உருமல்ல இருக்கும் போது பக்கத்துல போகக் கூடாது. கோபத்தின் அறிகுறி. பார்வை வெறிச்சு இருக்கும் மண், செடி, கொடிகளை தலைமீது போட்டுக் கொள்ளும். ரொம்ப பசி எடுக்குற வரை சாப்பிடாது.


மஸ்து நீரை தும்பிக்கையால தொட்டு தொட்டு ருசி பார்க்கும். அந்த சுவை யானையை மேலும் மேலும் வெறி ஏற்றும்.


யானையை பழக்கும் போது, பாகனோட சொல் பேச்சு கேட்க, பயங்கர கொடூரமா அடிப்பாங்க.


அதனால, யானை அந்த காயத்தோட வடுவையும், வலியையும் மனசுல நியாபகம் வெச்சுகிட்டே இருக்கும். மஸ்து நேரத்துல வாய்ப்பு கிடைச்சு அந்த கோபம் வெளிப்பட்டு ருத்ர தாண்டவம் ஆடிரும்.


காரணம், யானைக்கு தன் பாகன் மேல் இருக்கும் வன்மம் வெளிப்படும் நேரம் அதுதான்.


அதனால மஸ்து நேரத்துல நூறு பேர் எதிர்ல நின்னாலும், அபார நியாபக சக்தி கொண்ட யானை, தன்னோட பாகன் மேலான பகைய தீர்த்துக்க தன்னிலை மறந்து, வெறி கொண்டு முதல்ல அவனதான் தேடும். அதனாலதான் மஸ்து நேரத்துல, தலைமை பாகன் யானை பக்கத்துல இருக்க மாட்டான் சிக்குனான்,


அக்கு வேறா ஆணி வேறா பிரிச்சு போட்ரும்.


#யானைக்காதலன்_SSR🐘

#SSRThreads

வியாழன், 12 செப்டம்பர், 2024

*ஜப்பானில் ஆசிரியர் தினம் கிடையாது...*

 *ஜப்பானில் ஆசிரியர் தினம் கிடையாது...*


  ஒரு நாள், எனது ஜப்பானிய சக ஆசிரியரான யமமோட்டாவிடம் கேட்டேன்: 

 - ஜப்பானில் ஆசிரியர் தினத்தை எப்படி கொண்டாடுகிறீர்கள்? 

 என் கேள்வியால் வியப்படைந்த அவர் பதிலளித்தார்: 

 - எங்களுக்கு ஆசிரியர் தினம் என்று எதுவும் இல்லை.

 அவருடைய பதிலைக் கேட்டதும், அவரை நம்பலாமா வேண்டாமா என்று தெரியவில்லை. 


  "பொருளாதாரம், அறிவியல் மற்றும் தொழில்நுட்பம் போன்றவற்றில் மிகவும் முன்னேறிய ஒரு நாடு, ஆசிரியர்களையும் அவர்களின் பணிகளையும் ஏன் அவ்வளவாக மதிக்கவில்லை?" என்ற எண்ணம் என் மனதில் ஓடியது.

 ********************


 ஒருமுறை, வேலை முடிந்ததும், யமமோட்டா என்னை அவரது வீட்டிற்கு அழைத்தார்.  தொலைவில் இருந்ததால் மெட்ரோவில் சென்றோம்.  அது மாலை பீக் ஹவர், மெட்ரோ ரயிலில் இருந்த வேகன்கள் நிரம்பி வழிந்தன.  ரயிலின் மேல் நிலை கயிறை இறுக்கமாகப் பிடித்துக்கொண்டு நிற்க ஒரு இடத்தைக் கண்டுபிடித்தேன். 


 திடீரென்று, என் பக்கத்தில் அமர்ந்திருந்த முதியவர் தனது இருக்கையை எனக்கு வழங்கினார்.   ஒரு முதியவரின் இந்த மரியாதைக்குரிய நடத்தையைப் புரிந்து கொள்ளாமல், நான் மறுத்துவிட்டேன், ஆனால் அவர் விடவேயில்லை, நான் உட்கார வேண்டிய கட்டாயம் ஏற்பட்டது.  நாங்கள் மெட்ரோவில் இருந்து வெளியேறியதும், எதற்காக அந்த முதியவர் அப்படி செய்தார் என்பதை  யமமோட்டாவிடம் விசாரித்தேன். 


 யமமோட்டா சிரித்துக்கொண்டே எனது சட்டையில் நான் அணிந்திருந்த டீச்சர் என்ற குறிச்சொல்லைச் சுட்டிக்காட்டி சொன்னாள்:

 - உங்கள் உடையின் மீது ஒரு ஆசிரியரின் குறியீடைக் கண்டதும் உங்கள் அந்தஸ்துக்கு மரியாதை செலுத்தும் அடையாளமாக, அவருடைய இருக்கையை உங்களுக்கு வழங்கினார். 


நான் முதன்முறையாக யமமோட்டா வீட்டிற்கு சென்றதால், வெறுங்கையுடன் அங்கு செல்வது எனக்கு சங்கடமாக இருந்தது, அதனால் ஒரு பரிசு வாங்க முடிவு செய்தேன்.  நான் யமமோட்டாவிற்கு எனது யோசனையைச் சொன்னேன், அவர் எனது யோசனையை ஏற்று, இன்னும் சிறிது தூரம் சென்றால், ஆசிரியர்களுக்கான கடை உள்ளது, அங்கு ஆசிரியர்கள் குறைந்த விலையில் பொருட்களை வாங்கலாம் என்று கூறினார்.   மீண்டும், என்னால் என் உணர்ச்சிகளை அடக்க முடியவில்லை:

 - ஆசிரியர்களுக்கு மட்டும் சலுகைகள் வழங்கப்படுகிறதா ?  எனக் கேட்டேன்.

 என் வார்த்தைகளை உறுதிப்படுத்தி, யமமோட்டா கூறினார்:

 - ஜப்பானில், ஆசிரியர் பணி என்பது மிகவும் மரியாதைக்குரிய தொழில் மற்றும் ஆசிரியர் மிகவும் மரியாதைக்குரிய நபர்.   ஜப்பானிய தொழில்முனைவோர் ஆசிரியர்கள் தங்கள் கடைகளுக்கு வரும்போது மிகவும் மகிழ்ச்சி அடைவார்கள், அவர்கள் கடையில் ஆசிரியர்கள் பொருள் வாங்குவதை ஒரு கௌரவமாக நினைக்கிறார்கள் என்றார். 

 **********************


 நான் ஜப்பானில் தங்கியிருந்த காலத்தில், ஆசிரியர்கள் மீது ஜப்பானியர்கள் வைத்திருந்த மிகுந்த மரியாதையை நான் பல முறை கவனித்திருக்கிறேன். 


 மெட்ரோவில் அவர்களுக்கென பிரத்யேக இருக்கைகள் ஒதுக்கப்பட்டுள்ளன, அவர்களுக்கென பிரத்யேக கடைகள் உள்ளன, ஆசிரியர்கள் எந்த வகையான போக்குவரத்துக்கான டிக்கெட்டுகளுக்காகவும் வரிசையில் நிற்க தேவையில்லை. 


அதனால்தான் ஜப்பானில் ஆசிரியர்களுக்கு என ஒரு சிறப்பு நாள் தேவைப்படவில்லை, அவர்களின் வாழ்க்கையில் ஒவ்வொரு நாளும் ஒரு கொண்டாட்டமாகவே இருக்கும்.  


 இந்த அளவிற்கு ஆசிரியர்களை பாராட்டும் சமுதாயம் வளர வேண்டும். 


 இதை உங்கள் குழுக்களில் பகிருங்கள், 

இதைப் பார்த்து ஆசிரியர் நெஞ்சங்கள் பெருமிதம் கொள்ளட்டும்.