வெள்ளி, 20 ஜனவரி, 2023

பதறாக் காரியம் சிதறாது...

 பதறாக் காரியம் சிதறாது...


அக்பர் ஒருமுறை அவரது அவையில் மிகப்பெரிய கதவு கொண்ட பெட்டகம் ஒன்றை காண்பித்து இது தனித்துவமான கதவுகள் இவைகள் கணித முறைப்படி பூட்டி இருக்கின்றன. அதே கணிதமுறைப்படிதான் இதை திறக்கமுடியும். திறப்பவர்களுக்கு ஆயிரம் பொற்காசுகள் என்கிறார்.


உடனே அங்கிருந்த அமைச்சர்கள் பலரும் பல கணிதசூத்திரங்களை முயற்ச்சிக்கிறார்கள்.


அந்த கதவை திறக்கிற வழியை கண்டுபிடிக்க முடியவில்லை. காரணம் அதற்க்கு சாவிகளே கிடையாது. எந்த சாவித்துவாரமும் இல்லை.


பீர்பால் வந்தார். அந்த கதவின் அருகே சென்று உற்று கவனிக்கிறார்.


பின் லேசாக கையை வைத்து கதவை அழுத்துகிறார் கதவு திறந்து கொள்கிறது.


காரணம் கதவு பூட்டப்படவே இல்லை.


கணிதமுறைப்படி என்று சொன்னது அவர்களை குழப்பமடையசெய்ய.


மற்றொன்று.


ஒரு ரயில் பிரயாணம். வண்டி நல்ல வேகத்தில் செல்கிறது. அப்போது ஜன்னல் அருகே விளையாடிக் கொண்டிருந்த குழந்தை தன் கையில் இருந்த தங்க மோதிரத்தை வண்டிக்கு வெளியே போட்டுவிட்டது.


அனைவரும் பதறி வண்டியை நிறுத்த முயற்ச்சிக்கின்றனர். ஒருவர் மட்டும் எந்த பதட்டமும் இன்றி அமைதியாக இருக்கிறார்.


சிலர் அவரை திட்டகூட செய்கிறார்கள்.


வண்டி சிறிது தூரம் சென்று நிற்கிறது.


அப்போது அவர் சொல்கிறார்.


இங்கிருந்து 70 வது மின் கம்பம் அருகே உங்கள் குழந்தையின் மோதிரம் கிடக்கிறது. சென்று எடுத்துக் கொள்ளுங்கள் .


மோதிரம் கீழே விழுந்தவுடன் அவர் பதற்றமடையாமல் அமைதியாக மின் கம்பங்களை எண்ண ஆரம்பிக்கிறார். அதனல் தான் சரியாக அவரால் சொல்ல முடிந்தது.


முதலில் பிரச்சனையை வந்தவுடன் பதற்றமடையாதீர்கள். நிதானமாக அதை உற்று கவனியுங்கள். இதைத்தான் பல மேதைகள் செய்கிறார்கள்.......

புதன், 18 ஜனவரி, 2023

மனமே அமைதி கொள்

 🙏மனமே அமைதிகொள்🙏


ஒரு அரசன் 

தனது மந்திரியை அழைத்து:...


"இதோ பார் மந்திரியாரே, நான் இவ்வளவு பெரிய சாம்ராஜ்யத்தின் அரசனாக இருக்கிறேன். 


எனக்கு இல்லை என்று சொல்ல எதுவும் இல்லை. 


இருந்தும், நான் மன நிம்மதியாக இல்லை. மனக்குழப்பம் என்னை வாட்டி வதைக்கிறது.


 சலிப்பும், வெறுப்பும் என்னை பின்தொடர்கிறது. 


ஆனால், எதுவும் இல்லாத என் சேவகன் இருக்கிறானே, 


அவன் என்னை விட 

வாழ்வில்  மனமகிழ்ச்சியுடன் இருக்கக் காணுகிறேன்.


 ஆனந்தத்தில் அவன் 

மிதக்கிறான். பார்க்க பொறாமையாக 

இருக்கிறது' என்று ஆதங்கப்பட்டான். 


உடனே அந்த மந்திரி, அரசே! அந்த 

சேவகனிடம் 99 ஆட்டத்தை  பரீட்சித்துப் 

பாருங்கள்' என்றான். 


அதற்கு அரசன்: அது என்ன 99 ஆட்டம்? 

புதுமையாக இருக்கிறதே!" என்றான். 


அதற்கு மந்திரி சொன்னான், 99 ஆட்டம் 

என்பது 99 பொற்காசுகளை எடுத்து 

ஒரு பையில் போட்டு சேவகனின் வீட்டு 

வாசலில் வைத்துவிடுங்கள். 


"100 பொற்காசுள் உங்களுக்கான 

அன்புப் பரிசு " என்று அதிலே எழுதி 

வைத்துவிட்டு வந்துவிடுங்கள். 


பின்பு என்ன நடக்கிறது என்று 

பொறுத்திருந்து பாருங்கள்!" என்றான். 


அப்படியே அரசனும் செய்துவிட்டு 

அவதானித்தான்.


பொற்காசுள் நிறைந்த 

பையைக்கண்ட சேவகன் ஆனந்தத்தில் 

மிதந்தான். 


பணப்பையை எடுத்து எண்ணிப்பார்த்தான். ஒரு காசு குறைவாக இருந்தது.


 கட்டாயம் ஒரு பொற்காசு வெளியில் எங்காவது விழுந்திருக்க வேண்டும்' என மனதில் நினைத்துக்கொண்டான். 


அதன்படி அவனும், அவனது மனைவி, பிள்ளைகுட்டிகள் என அனைவரும் தவறிய அந்த ஒரு பொன்நாணயத்தை தேட ஆரம்பித்தனர்.


 தேடித்தேடி இரவும் முடிந்து பொழுதும் விடிந்தது, 


தேடல் மாத்திரம் முடிந்தபாடில்லை. 


கோபமடைந்த சேவகன் அவர்கள் மீது 

எரிந்துவிழத் தொடங்கினான். அவன் 

மனமகிழ்ச்சி மனவருத்தமாக மாறியது.


மறுநாள் சேவகன் விரக்தியடைந்தவனாக காணப்பட்டான். 


புன்முறுவல் பூத்திருந்த அவனது முகம் சிடுமூஞ்சாக மாறியிருந்தது. தன்னைத்தானே திட்டிக் கொண்டிருந்தான்.


இதையெல்லாம் ஓரமாக நின்று 

பார்த்துக்கொண்டிருந்த அரசனுக்கு 

99 ஆட்டம் என்றால் என்னவென்று புரிந்து போய்விட்டது.  


🙏அதுதான் நண்பர்களே!....

அந்த வல்ல இறைவன் நமக்கு 

வழங்கிய 99 வகையான 

செளபாக்கியங்களோடு இருப்பதை நாம் மறந்துவிடுகிறோம். 


வாழ்வில் நமக்கு கிடைக்காத 

அந்த ஏதோ ஒரே ஒரு பாக்கியத்திற்காக நிம்மதியை இழந்து மனவருத்தத்தோடு 

வாழ்ந்து வருகிறோம். ஏங்கித் தவிக்கிறோம்.  


கைவசம் இருக்கும் பல சுகங்களை மறந்து இல்லாத ஒன்றுக்காக மனக்கவலையோடு வாழ்துவருகிறோம்.


🙏மனமே அமைதிகொள்🙏